بلادي زينة
و لولتها في الحلاب
حكم الضرع بقرصة شينة
و بقينا حنا عايشين عيشة الكلاب
بلادي زينة
و زينها زين زبيبة
حنا حكامنا القانون
و ليكم انتم السيبة
بلادي زينة
و زينها كيف الورد مع الشوك
شي هاني كلامو مخشب
و شي بقا في حقو مهتوك
بلادي زينة
و من زينك يا بلادي قلت أووووففف
شي ليه العز و الهنا
و شي على حساب الظروف
بلادي زينة
و ما عاب زينك غير اللي حكمونا
شلا خصايل كلها تشينك
و زادوك العكر على الخنونة
بلادي زينة
و ما زين البلاد غير زين فعلها
تخالط علي الشي
ما فرزت بنادمها من بقرها
بلادي زينة
و ما عاب زينها غير كثرة اللغا
شحال منهم جا مسكين
و على الاخر تجبر و طغى
بلادي زينة
و من ظلمك يا بنادم قلت تفوووو
بكيت و نشدت على شلا شباب
فيك تاقوا و على الاخر داخوا تلفوا
الصبي يطمع في قرينو معه ياكل
حيت باه ما لقا من يسلفوا
و الام تطمع تبيع شرف ضناها
نطلب منك يا ربي العفو
الحكام هضرة كبيرة محلاها
هما ياكلو الاخرين يشوفوا
يا ويل من طمع في الدنيا و ادخل لرحاها
راه جنس أله المال و على طريق العالي دارو جمافو!!!!1
راه غلة الأرض تتعرف من سماها
و راه المسخوط من تبع التالف في طوافو
Aucun commentaire:
Enregistrer un commentaire