شلا صوامع في السماء
معلقة ..........
و بنادم باقي
في قلبوا الغل
و شلا لحي لقلوب
الناس مطوقة...........
تقول الدين تزيينة
ما هو حسن خلق و فعل
تلقى الفقيه عليه أقوام
مجوقة ............
فتواه في الدين الوضوء
و المراة واش ناقصة عقل ؟؟؟؟؟؟؟؟
تقول أمورنا حنا محصنة
مطرقة ........
و آسي الفقيه !!!!
و اتا على من كاتهبل ؟؟؟؟؟؟
مالوا الخطيب :
فتى في أمور الدين بدقة ؟؟؟؟؟
و تقديم النصيحة للحاكم عليها غفل
راه الساكت على الحق شيطان
اخرس في النقى.........
و ما حنا رعاوين آ الفقيه !!!
ما حنا بقر جفل
فرقتوا الدين على ألف طريقة و طريقة :.....
مالين الدشيشة و مول المنامة
ها الشيعة ها مالك و ها حنبل
صغرتوا عقولكم و تفشى فيكم
الجهل و الشقا...........
و من خالفكم الراي
تعلنوا عليه الحرب بالسيوفة و الطبل
يا من خديتي على نفسك
تدعي لله و التقى ..........
ابدأ من راسك
و على بنادم لا تحرم و تحلل
و نزيد نوصيك لا تبقى تقليد علي
و في قلبي حرقة ..........
راه ما نجا غير من خاف من الزمان
و ما عاش طويل غير اللي في حياته تمهل
Aucun commentaire:
Enregistrer un commentaire